اشفاق چوہدری،پنڈی پوسٹ/جماعت اسلامی واحد سیاسی جماعت ہے جو ہر مشکل گھڑی میں قوم کے ساتھ کھڑی ہو جاتی ہے اور اپنی بساط کے مطابق ہر قسم کی خدمات جو اس وقت کا تقاضا ہوتی ہیں بخوبی سر انجام دیتی ہے ان کا شعبہ الخدمت فاﺅنڈیشن دن رات ایک کر کے ہر مشکل وقت میں اپنی خدمات رضاکارانہ طور پر انجام دیتا ہے الغرض الخدمت فاﺅنڈیشن کا نام ہی دکھی انسانیت اور فلاحی کاموں کے ساتھ جڑا ہوا ہے جماعت اسلامی کے رہنما مرزا خالد محمود اور ان کے دست و بازو چوھدری شاہ نواز نے تو اس اپنے علاقے کے عوام کو حیران کر دیا ہے کہ مشکل کی اس گھڑی میں خدمات کیسے انجام دی جاتی ہیں کورونا اور لاک ڈاﺅن کے دوران انہوں نے دن رات ایک کر کے خود کو عوامی خدمت کیلئے وقف کر دیا ہے جس وجہ سے عوام کے دلوں میں ان کیلئے بے پناہ محبت پیدا ہو گئی ہے اور دکھی افراد ان کو اپنے دکھوں کا مداوا سمجھنے لگے ہیں اور عوام مرزا خالد محمود ،چوھدری شاہ نواز اور ان کے ساتھ موجود پوری ٹیم کو قدر کی نگاہ سے دیکھ رہے ہیں مرزا خالد محمود ، چوھدری شاہ نوازجوانوں کی طرح کام کرتے نظر آ رہے ہیں ملک میں کوئی بھی ہنگامی حالات ہوں یا کوئی بھی آفت آ جائے الخدمت فاﺅنڈیشن کے رضا کار متاثرین کی خدمت کا فریضہ انجام دینے میں ہراول دستے کے طور پر کام کرتے ہیں کورونا وائرس کی وجہ سے موجودہ ملکی صورتحال کے دوران الخدمت فاﺅنڈیشن پی پی 10نے جو خدمات پیش کی ہیں وہ یقینا قابل تعریف ہیں بہت سی مساجد میں کورونا وائرس کے خاتمے کیلیئے سپرے وغیرہ کروائے ہیں اس طرح کے فلاحی کام ان کے رضا کار اپنے حلقے کے دیگر علاقوں میں بھی کرتے نظر آئے ہیں ان سب کاموں کے پیچھے ان کا صرف ایک ہی مقصد انسانیت کی بھلائی کار فرما ہے یہ بات یقین سے کہی جا سکتی ہے کہ جس طرح الخدمت فاﺅنڈیشن کے رضا کار دن رات محنت کر کے لوگوں کی بھلائی میں مصروف عمل ہیں وہ بہت جلد اس حوالے سے اپنے اہداف مکمل کرنے میں کامیاب ہو جائیں گے اور سب سے بڑھ کر یہ بات ہے انہوں نے یہ کام کسی خاص طبقہ کیلیئے نہیں بلکہ کہ وہ یہ تمام کام بلا تفریق انجام دے رہے ہیں خالد محمود مرزا کی طرف سے واضح ہدایات ہیں کہ اس حوالے سے اقلیتوں کا بھی خاص طور پر خیال رکھا جائے اور ان کیلیئے الگ سے کچھ کوٹہ مختص کیا گیا ہے بلکہ ایک ہفتہ قبل دفتر الخدمت فاﺅنڈیشن روات کے دورے کے موقع پر صوبائی امیر ڈاکٹر طارق سلیم نے خالد مرزا اور
چوھدری شاہ نواز کو واضح ہدایات جاری کرتے ہوئے کہا کہ راشن تقسیم کے دوران خواجہ سراﺅں سے ہمدردی کرتے ہوئے ان کا خصوصی طور پر خیال رکھا جائے وہ ہمارے معاشرے کا ایک ایسا طبقہ ہیں جو کوئی مزدوری وغیرہ نہیں کر سکتے الخدمت فاﺅنڈیشن کے رضاکار بلیوں کتوں اور دیگر جانوروں جو ہوٹلز وغیرہ بند ہونے کی وجہ سے بھوکے مر رہے ہیں کو بھی راشن فراہم کر رہے ہیں جو کہ ایک بہت بڑی نیکی کا کام ہے اس کام سے رب تعالی کی ذات بھی خوش ہو گی اب تک 15لاکھ روپے کی لاگت سے 579خاندانوں کو راشن پیکیج فراہم کئے جا چکے ہیں650افراد کو ماسک جبکہ 24افراد میں سینا ٹائزرزتقسیم کئے 60مساجد 3 مزاروں،3امام بارگاہوں 6 مارکیٹس اور ایک ہسپتال میں کورونا وائرس کے خاتمے کیلئے ادویات کا سپرے کروایا جا چکا ہے جو کہ ان کا ایک بہت بڑا کارنامہ سمجھا جا رہا ہے یہ دونوں شخصیات فلاحی کاموں کی وجہ سے پہلے بھی گراں قدر خدمات انجام دے رہی ہیں لیکن کورونا وائرس کی صورتحال کے دوران انہوں نے اپنی پوری ٹیم کے ساتھ دن رات ایک کر کے یہ ثابت کر دیا ہے کہ وہ اپنی قوم کو اس نازک وقت میں تنہا نہیں چھوڑیں گے ۔
Skip to content
