الیکشن کمشنر پنجاب محبوب انور نے کہا ہے کہ جن اراکین کو عدالت نے جعلی ڈگری پر نا اہل قرار دیا ہے وہ الیکشن میں حصہ نہیں لے سکتے
۔لاہور میں پنجاب کے نئے الیکشن کمشنرمحبوب انور نے چارج سنبھالنے کے بعد میڈیا سے گفتگو کرتے ہوئے کہا کہ عدالتوں سے دوہری شہریت پر رکنیت ختم ہونےوالے اراکین بھی حصہ نہیں لے سکیں گے ۔انہوں نے کہا کہ کاغذات نامزدگی کی جانچ پڑتال کے حوالے سے سخت اقدامات کیے گے ہیں ۔ان کا کہنا تھا کہ عام انتخابات کے لیے تیاریاں اور انتظامات مکمل ہیں۔محبوب انور نے ایک سوال پر کہا کہ عام انتخابات کے موقع پر سیکورٹی کے حوالے جامع انتظامات کیے جائیں گے اور حساس پولنگ اسٹیشنز پر بھی اضافی نفری تعینات کی جائے گی ۔