حسن ابدال : ماں باپ کو جان سے مارنے کی دھمکیاں دینے اور حبس بیجا میں رکھنے والا ناخلف بیٹا گرفتار

تفصیلات کے مطابق منظور الہی ولد میاں خان نے تھانہ صدر حسن ابدال پولیس کو درخواست گزار کی کہ واہ کینٹ حال نیو سٹی فیز II میں رہائش پذیر ہوں میں نے اپنی ملکیتی زمین فروخت کر کے نیو سٹی فیز IIمیں مکان رقم مبلغ 1 کروڑ 5 لاکھ روپے میں خرید کیا جو کچھ عرصہ بعد میرے بیٹے محفوظ الہی نے دھوکہ دہی سے مکان اپنے نام انتقال کروا لیا اسکے علاوہ میری ماہانہ پنشن بھی اسلحہ کے زور پر نکلوا لیتا ہے، مجھے اور میری بیوی کو نشہ آور ادویات کے انجکشن لگاتا ہے قریباََ 3 ماہ قبل میں اپنی بیوی کے ہمراہ گھر موجود تھا کہ محفوظ الہی پسٹل لیے آیا اور مجھے اور میری بیوی کو کہا کہ بنک بیلنس میرے نام کر دو نہیں تو جان سے مار دوں گا، ہمیں کمرہ میں بند کر دیا جو 3/4 گھنٹوں کے بعد میری بیٹی نے آکر ہمیں کمرے سے نکالا۔ تھانہ صدر حسن ابدال پولیس نے فوری طور پر مقدمہ درج رجسٹرڈ کر کے ملزم محفوظ الہی ولد مظور الہی سکنہ نیو سٹی فیز II تحصیل حسن ابدال کو گرفتار کر لیا جس سے مزید تفتیش جاری ہے۔