کہوٹہ کے نواحی علاقے نوگراں میں تہرے قتل کی افسوسناک واردات پیش آئی ہے۔ واقعے کی اطلاع ملتے ہی تھانہ کہوٹہ پولیس اور ریسکیو ٹیمیں فوری طور پر موقع پر پہنچ گئیں اور علاقے کو گھیرے میں لے کر شواہد اکٹھے کرنا شروع کر دیے
پولیس کے مطابق جاں بحق افراد کی شناخت نصیر ولد غضنفر، شہزاد ولد سید اکبر اور بشارت ولد نصبدار ساکنان نوگراں کے طور پر ہوئی ہے، جبکہ شہزاد ولد علی داد اور غضنفر خان زخمی ہوئے ہیں جنہیں طبی امداد کے لیے اسپتال منتقل کر دیا گیا ہے
واقعے کے بعد علاقے میں شدید خوف و ہراس پھیل گیا ہے۔ پولیس نے شواہد اکٹھے کر کے تحقیقات کا آغاز کر دیا ہے، جبکہ واقعے کی وجوہات معلوم کرنے کے لیے مختلف پہلوؤں سے تفتیش جاری ہے۔
Skip to content
