راولپنڈی (نمائندہ پنڈی پوسٹ) پاکستان تحریک انصاف کے آج اسلام آباد کے ڈی چوک میں احتجاج کے پیش نظر راولپنڈی پولیس نے سیکورٹی انتظامات مکمل کر لئے۔امن و امان کو یقینی بنانے کے لئے4000 پولیس افسران و اہلکار فرائض سرانجام دیں گے۔ سی پی او سید خالدہمدانی کا کہنا تھاکہ شہر کے تمام داخلی و خارجی راستوں اور اہم شاہراہوں پر پولیس تعینات رہے گی۔امن و امان میں خلل ڈالنے والوں سے نمٹنے کے لئے خصوصی تربیت یافتہ دستے تعینات کئے جائیں گے،
امن و امان میں خلل، املاک کو نقصان پہنچانے والوں کے خلاف قانونی کارروائی کی جائے گی،شہر بھر میں سی سی ٹی وی کیمروں کی مدد سے شرپسند عناصر اور قانون شکنوں کی شناخت کی جائے گی، امن و امان میں خلل یا سرکاری و نجی املاک کو نقصان کسی صورت برداشت نہیں کیا جائے گا، قانون کی عملداری کو ہر صورت یقینی بنایا جائے گا، راولپنڈی پولیس کا کہنا تھاکہ والدین سے التماس ہے کہ اپنے بچوں کو کسی بھی غیر قانونی اقدام کا حصہ نہ بننے دیں۔
