گوجرخان (نمائندہ پنڈی پوسٹ)تھانہ گوجر خان کی حدود میں ایک ہولناک واقعہ پیش آیا جہاں ایک شخص نے اپنے ہمسائے کو اسلحہ کی نوک پر یرغمال بنا کر زخمی کر دیا۔ پولیس نے بروقت کارروائی کرتے ہوئے
ملزم عاقب کو گرفتار کر لیا۔ابتدائی تفتیش کے مطابق ملزم عاقب نے ذاتی رنجش کی بنیاد پر اپنے ہمسائے دلاور کو یرغمال بنایا، اس پر تشدد کیا اور بعد ازاں فائرنگ کر کے زخمی کر دیا۔ واقعہ کی اطلاع ملتے ہی گوجر خان پولیس حرکت میں آئی اور فوری کارروائی کرتے ہوئے
ملزم کو گرفتار کر کے اس کے قبضے سے دو پستول برآمد کر لیے۔پولیس حکام کے مطابق واقعہ کا مقدمہ درج کر لیا گیا ہے اور ملزم کے خلاف ٹھوس شواہد اکٹھے کر کے مکمل چالان عدالت میں پیش کیا جائے گا۔
