مری‘واپڈا اہلکار بجلی ٹھیک کرتے ہوئے کرنٹ لگنے سے جاں بحق

مری(نمائندہ پنڈی پوسٹ)مری کے نواحی علاقہ نتھیاگلی میں واپڈا کا اہلکار بجلی ٹھیک کرتے ہوئے کرنٹ لگنے سے جان کی بازی ہارگیا، واپڈا سب آفس نتھیاگلی کا اہلکار حبیب رحمن ولد خورشید سمندر کٹھہ میں بجلی ٹھیک کرنے کی غرض سے دوران ڈیوٹی کھمبے پر چڑھا تو کرنٹ لگنے سے اسکا جسم جل گیا اور وہ موقع پر ہی جاں بحق ہوگیا واپڈا اہلکار کے کرنٹ لگنے کی اطلا ع ملتے ہی واپڈا آفس کے اہلکار اور مقامی لوگ جا ئے وقوع پر پہنچے اور لاش کو کھمبے سے اتار کر قریبی ہسپتال لایا گیا یاد رہے گلیات میں واپڈا کی کوئی بھرتی نہیں ہورہی اور واپڈا سب آفس کے پاس سٹاف انتہائی کم ہے اور اوپر سے پے در پے بجلی کرنٹ حادثات سے واپڈا نتھیاگلی کے پاس سٹاف ایک درجن سے بھی کم رہ گیا جبکہ یہاں کاعلاقہ بہت بڑے رقبہ پر مشتمل ہے اہلیان علاقہ نے مطالبہ کیاہے کہ ہنگامی بنیادوں پر بھرتی کی جائے اگر فوری بھرتیاں نہ کی گئیں تو گلیات کے ہزاروں گھروں پر مشتمل آبادی کو بجلی سہو لیات فرا ہم کرنا بہت مشکل ہو جائیگا۔