(پنڈی پوسٹ نیوز)وزارت مواصلات نے اعلان کیا ہے کہ وزیراعظم پاکستان شہباز شریف کی خصوصی ہدایات پر عمل کرتے ہوئے وفاقی وزیر مواصلات عبدالعلیم خان نے ٹول ٹیکس میں سہ ماہی 25 فیصد اضافے کو فوری طور پر واپس لینے کا فیصلہ کیا ہے۔وزارت مواصلات کے مطابق ملک کی موجودہ اقتصادی صورتحال کو مدنظر رکھتے ہوئے مالی سال 2025-26 کے لیے ٹول ٹیکس میں کسی قسم کا اضافہ نہیں کیا گیا، تاکہ عوام کو مسلسل ریلیف اور سہولت فراہم کی جا سکے۔ وزیر اعظم کی ہدایت کے مطابق عوام کی مشکلات کو کم کرنے کے لیے تمام ممکنہ اقدامات اٹھائے جائیں گے۔
نیشنل ہائی وے اتھارٹی نے ملک بھر میں ٹول ٹیکس کی شرحوں میں اضافہ کرتے ہوئے باقاعدہ نوٹیفکیشن جاری کیا تھا، جس کے مطابق نئی قیمتوں کا اطلاق 5 اپریل سے ہونا تھا۔ اس اعلان کے بعد موٹر کارز، موٹرویز اور مختلف شاہراہوں پر ٹول ٹیکس میں نمایاں اضافہ دیکھا گیا، جیسے ایم ون موٹروے پر کار کا ٹول 700 روپے اور ایم فور پر 1300 روپے تک پہنچ گیا، جبکہ بڑی گاڑیوں کے ٹول 7000 روپے سے بھی تجاوز کر گئے۔تاہم وزیراعظم کی خصوصی ہدایات پر عمل کرتے ہوئے وفاقی وزیر مواصلات نے یہ اضافی ٹول ٹیکس فوری طور پر واپس لینے کا اعلان کر دیا، جس سے عوام کو ریلیف پہنچے گا۔
Discover more from pindipost.pk
Subscribe to get the latest posts sent to your email.
