گوجرخان:چوری و ڈکیتی میں ملوث ثارو گینگ گرفتارمال مسروقہ برآمد

گوجرخان (نمائندہ پنڈی پوسٹ) تھانہ گوجرخان پولیس کی اہم کاروائی،رابری اورسینچنگ کی وارداتوں میں ملوث نثار عرف ثارو گینگ کا سرغنہ 03ساتھیوں سمیت گرفتار، ملزمان کے قبضہ سے مختلف وارداتوں کے دوران مسروقہ رقم 90ہزار 700روپے،06موٹرسائیکل اور04پسٹل برآمد۔تفصیلات کے مطابق ایس ایچ اوگوجرخان نے اپنی ٹیم کے ہمراہ کاروائی کرتے ہوئے رابری اورسینچنگ کی وارداتوں میں ملوث نثار عرف ثارو گینگ کے سرغنہ کو 03ساتھیوں سمیت گرفتارکرلیا، گرفتارملزمان میں گینگ کا سرغنہ نثار حسین اورساتھی ملزمان شہزا د بلال، خرم شہزاد اورشاہد محمود شامل ہیں،ملزمان کے قبضہ سے مختلف وارداتوں کے دوران مسروقہ رقم 90ہزار 700روپے،06موٹرسائیکل اور04پسٹل شناخت پریڈ کے بعد برآمدکیے گئے،ایس ایچ اوگوجرخان نے بتایاکہ ملزمان نے تفتیش کے دوران مختلف وارداتوں کا انکشاف کیا،سی پی اومحمد احسن یونس نے ایس ایچ اوگوجرخان اورپولیس ٹیم کو شاباش دیتے ہوئے کہاکہ ملزمان کتنے شاطر کیوں نہ ہوں قانون کی گرفت سے نہیں بچ سکتے۔