کہوٹہ پولیس کا مختلف علاقوں میں سرچ آپریشن،کرایہ داری ایکٹ کی خلاف ورزی پر مقدمات درج

کہوٹہ (ساجدجنجوعہ ) کہوٹہ شہر اور گردونواح میں امن و امان کے قیام اور جرائم کی بیخ کنی کے لئے پولیس تھانہ کہوٹہ نے کہوٹہ شہر کے مختلف علاقوں میں بڑے پیمانے پر سرچ آپریشن کیا۔سرچ آپریشن کے دوران چھتیس گھروں، تیس دکانوں، پانچ ہوٹلوں اور مجموعی طور پر ڈیڑھ سو سے زائد افراد کے کوائف کی جانچ پڑتال کی گئی۔ اس کے علاوہ چار کباڑ خانوں اٹھارہ سے زائد مسافر گاڑیوں اور کرایہ داروں کے کوائف بھی چیک کئے گئے۔پولیس نے  موٹرسائیکلوں اور گاڑیوں کی چیکنگ کی، جن میں سے تین موٹرسائیکلوں کو عدم دستاویزات کی بنیاد پر تھانہ کہوٹہ میں بند کر دیا گیا۔جبکہ کرایہ داری ایکٹ کی خلاف ورزی پر مالک مکان محمدنوازسکنہ لونہ سیداں اور کباڑخانہ کرایہ دار حمزہ گل سکنہ لنگوڑ بونیر کے خلاف سب انسپکٹر عبدالمجید کی مدعیت میں مقدمہ درج کر لیاگیا۔