ٹیکسلا (نمائندہ پنڈی پوسٹ)راولپنڈی کی تحصیل ٹیکسلا میں ڈمپر اور مسافر ہائی ایس کے درمیان تصادم کا واقعہ ،حادثہ کے نتیجے میں چار افراد جان بحق اور دو زخمی ہو گئے ۔واقعہ بیریر نمبر 2 واہ کینٹ میں پیش آیا جو نیشنل ہائی وے اینڈ موٹروے کی حدود میں آتا ہے ۔
سٹی ٹریفک پولیس راولپنڈی کا عملہ موٹروے پولیس کی مدد کے لیے جائے حادثہ میں موجود ہے۔ ڈمپر ٹیکسلا سے جانب پشاور جا رہا تھا ،بیریر نمبر 2 واہ کینٹ کے سامنے مین جی ٹی روڈ پر رکشہ کو بچانے کے لیے ڈمپر نے بریک لگائی ۔ڈمپر سڑک کنارے کھڑی ہوئی مسافر ہائی ایس کے اوپر الٹ گیا۔
سی ٹی او بینش فاطمہ کے مطابق اس طرح کے حادثات سے بچنے کے لیے راولپنڈی ٹریفک پولیس نے ہیوی ٹریفک کا شہر میں داخلہ رات گیارہ بجے سے صبح پانچ بجے تک مختص کیا ہوا ہے۔ جاں بحق ہونے والوں میں دانیال ولد اکرم،اسما ولد عادل،حامد دولتانہ،انعام اللہ خان ،جبکہ زخمیوں میں علی جنجوعہ اور دوسرے زخمی کی شناخت نہ ہو سکی۔
251
