محکمہ موسمیات نے سال نو پر ملک کے مختلف شہروں میں یکم سے 6جنوری تک بارشوں کی پیشگوئی کردی۔تفصیلات کے مطابق ترجمان پی ڈی ایم اےکا کہنا ہےکہ مغربی ہوائیں ملک کے بالائی علاقوں میں داخل ہونے کی پیش گوئی ہے۔ 2 سے 6 جنوری کے دوران پنجاب کے بیشتر اضلاع میں بارش کا امکان ہے،
بارشوں اور برفباری سے سردی کی شدت میں اضافے کا امکان ہے ۔سرگودھا میانوالی بھکر خوشاب حافظ آباد گجرانوالہ منڈی بہاوالدین اور گجرات میں بارشوں کی پیشگوئی کی ہے۔
ترجمان پی ڈی ایم اے کا کہنا ہے کہ لاہور، ٹوبہ ٹیک سنگھ، جھنگ فیصل آباد شیخو پورہ نارووال اور سیالکوٹ میں بھی بارش کے امکان ہیں۔
ملتان ڈیرہ غازی خان لیہ مظفرگڑھ خانیوال ساہیوال پاکپتن اوکاڑہ اور بہاولنگر میں بھی ہلکی بارش کے امکانات ہیں۔ بارش کے ساتھ ساتھ پہاڑی علاقوں میں برفباری بھی متوقع ہے۔
ترجمان پی ڈی ایم اے پنجاب کا کہنا ہے کہ یکم جنوری سے 6 جنوری تک مری گلیات اور پہاڑی علاقوں میں برفباری کی پیشگوئی ہے۔سیاح موسم کی مناسبت سےانتہائی محتاط رہیں۔
سیاح موسمی صورتحال کو مد نظر رکھتے ہوئے اپنا پروگرام ترتیب دیں۔پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔شہری خراب موسم کی صورتحال میں غیر ضروری سفر سے گریز کریں۔ایمرجنسی میں پی ڈی ایم اے کی ہیلپ لائن 1129 پر کال کر سکتے ہیں۔
