لاک ڈاون:عوام ذمہ داری کا مظاہرہ کریں ،اسسنٹ کمشنر ڈڈیال

ڈڈیال (نمائندہ پنڈی پوسٹ)سسٹنٹ کمشنر ڈڈیال سردار ذیشان نثار نے کہا ہے کہ کورونا وائرس خطرناک اور جان لیواوباءہے اس وباءکے پھیلاو کو کم کرنے کہ لیے انتظامیہ نے ایک ہفتہ کا لا ک ڈاون لگا نےکاجو فیصلہ کیا ہے اگرچہ اس سے عوام الناس کی معمول کی زندگی میں مشکلات آ رہی ہیں تا ہم انسانی زندگیوں کو محفوظ بنانے اوراس بیماری کی روک تھام کے حوالے سے اہلیان ڈڈیال نے جس طرح ذمہ داری کا مظاہرہ کیا ہے اس پر حکومت اور انتظامیہ ان کی شکر گزار ہیں انہوں نے کہا کہ ضلع میرپور میں لا ک ڈاون کا فیصلہ مشکل فیصلہ تھا جس سے لوگوں کو پریشانی کا سامنا بھی کرناپڑرہا ہےتاہم اس فیصلہ کو عوام الناس کے وسیع تر مفاد اور انسانی زندگیوں کو اس وباء سے محفوظ بنا نے کے لیے کیاہے انہوں نے کہا کہ ہمیں عوام الناس کی مشکلا ت کا ادراک ہے عوام اطمینان رکھیں آئندہ چند روزمیں ہم سب مل کر اس وباءکو ختم کر نے میں کا میا ب ہو جا ئیں گے اور لو گو ں کی دوبارہ زندگی بھی معمول پر آنا شر وع ہو جائیں گی اور ہم سب اپنے پیاروں کی زندگیاں بھی محفوظ کر نے میں کا میا ب ہو جا ئیں گے انہوں نے کہا کہ اہلیا ن ڈڈیال نے ہمیشہ قانون وآئین کی بالا دستی کو قائم رکھنے میں اہم کردار اداکیا ہے اور لاک ڈاون کے دوران ہر مکتبہ فکر نے بھر پور ملی بیداری کا ثبوت دیکر لا ک ڈوان کو کامیا ب بنا یا ہے۔