گوجر خان (نمائندہ پنڈی پوسٹ) گوجرخان کی معروف سیاسی و سماجی شخصیت رہنما پی ٹی آئی راجہ طاہر اکبر کیانی کے گھر بحریہ ٹاؤن میں ڈ کیتی کی سنگین واردات ، پانچ مسلح نقاب پوش ڈاکو لاکھوں روپے کی نقدی اور قیمتی زیورات لوٹ کر فرار ، ڈاکو جاتے ہوئے طاہر اکبر کیانی کی نئی اپلائیڈ فار کیا سپورٹیج گاڑی بھی ساتھ لے گئے ، بحریہ ٹاؤن جیسے علاقے میں ڈکیتی کی واردات سیکورٹی پر سوالیہ نشان ہے تفصیلات کے مطابق گزشتہ شام چھ اور سات بجے کے درمیان راجہ طاہر اکبر کیانی کے گھر واقع بحریہ ٹاؤن میں پانچ مسلح ڈاکو داخل ہوئے جنہوں نے ملازمین پر تشدد کر کے انہیں زخمی کر دیا ، گن پوائنٹ پر انہوں نے طاہر اکبر کیانی اور گھر والوں کو یرغمال بنا کر لاکھوں روپے کی نقدی اور قیمتی زیورات لوٹ لئے ، ذرائع کے مطابق بحریہ ٹاؤن میں اس سے قبل بھی چوری ڈکیتی کی متعدد وارداتیں ہو چکی ہے جو اسکی سیکورٹی انتظامات پر سوالیہ نشان ہے ، پولیس تھانہ لوہی بھیر میں مقدمہ درج کرلیا گیا ، پولیس مصروف تفتیش ہے
245
