باڑہ دوبیرن راجگان میں بکری چوری، تھانہ کہوٹہ میں مقدمہ درج

تھانہ کہوٹہ کی حدود میں بکری چوری کا واقعہ پیش آیا ہے۔ تفصیلات کے مطابق باڑہ دوبیرن راجگان کے رہائشی کامران مصطفی نے پولیس کو درخواست دی کہ رات تقریباً ایک بجے کے قریب بکریوں کے شور پر آنکھ کھل گئی۔ جا کر دیکھا تو میری ایک بکری جس کا رنگ سفید اور کالا تھا، موجود نہ تھی۔متاثرہ شخص کے مطابق اپنے طور پر تلاش کے باوجود بکری کا کوئی سراغ نہ مل سکا اور اسے قوی شبہ ہے کہ بکری چوری کرلی گئی ہے۔ پولیس نے درخواست پر مقدمہ درج کرکے تفتیش شروع کر دی ہے۔