مریم نواز تنخواہ نہیں لیتیں، اپنے ذاتی اخراجات کے لیے سرکاری پیسہ استعمال نہیں کرتیں ،حذیفہ رحمان

(پنڈی پوسٹ نیوز)وزیر مملکت حذیفہ رحمان نے وزیراعلیٰ پنجاب مریم نواز کے سرکاری طیارے کے استعمال کا دفاع کرتے ہوئے کہا ہے کہ اگر مریم نواز نے سرکاری طیارہ استعمال کیا تو اس میں کوئی مسئلہ نہیں ہونا چاہیے۔حذیفہ رحمان کا کہنا تھا کہ مریم نواز تنخواہ نہیں لیتیں، اپنے ذاتی اخراجات کے لیے سرکاری پیسہ استعمال نہیں کرتیں اور وزیراعلیٰ ہاؤس کے اخراجات بھی اپنی جیب سے ادا کرتی ہیں۔ ان کا مؤقف تھا کہ ان حالات میں وزیراعلیٰ کی جانب سے سرکاری طیارے کا استعمال قابلِ اعتراض نہیں ہونا چاہیے۔

وزیر مملکت کے یہ ریمارکس مریم نواز کے حالیہ دورۂ لندن کے اخراجات اور سرکاری طیارے کے استعمال پر جاری بحث کے تناظر میں سامنے آئے ہیں۔واضح رہے کہ مریم نواز کی جانب سے ذاتی اخراجات خود ادا کیے جانے سے متعلق دعوے حذیفہ رحمان سے منسوب ہیں اور ان کی آزادانہ طور پر تصدیق نہیں کی گئی۔