تفصیلات کے مطابق محمد اقبال ولد محمد اکرم ساکن پنڈ مہری نے تھانہ صدر حسن ابدال پولیس کو بیان دیا کہ میرے بھائی رضوان کے گھر سے 50 ہزار روپے چوری ہوئے جس پر رضوان نے دیگر بھائیوں بابر اور ابرار پر شک کیا اور ان کو شکوہ کیا تو آپس میں تلخ کلامی ہو گئی لیکن والدہ نے مداخلت کر کے معاملہ رفع دفع کروا دیا۔ شام کو میں، میرا بیٹا بلال اور بھائی رضوان مال مویشی چرا رہے تھے کہ بابر پسٹل لیے آ گیا اور سیدھی فائرنگ شروع کر دی جس سے میں زخمی ہو گیا اور رضوان فوت ہو گیا۔ تھانہ صدر حسن ابدال پولیس نے فوری طور پر مقدمہ درج کر کے تفتیش عمل میں لاتے ہوئے بھائی کا قتل کرنے والے ملزم بابر رحمان ولد اکرم ساکن پنڈ مہری تحصیل حسن ابدال کو گرفتار کر لیا جس کے قبضہ سے آلہ قتل کی برآمدگی کے لیے مزید تفتیش جاری ہے۔
35
