راولپنڈی منشیات فروشوں کے خلاف کریک ڈاؤن9گرفتار8 کلوگرام سے زائد چرس برآمد

راولپنڈی(کرائم رپورٹر)وزیر اعلیٰ پنجاب کے ویژن “ڈرگ فری پنجاب” کے تحت منشیات فروشوں کے خلاف بھرپور کارروائیاں جاری ہیں۔ سی پی او راولپنڈی کی نگرانی میں مختلف علاقوں میں کی گئی کارروائیوں کے دوران 9 افراد کو گرفتار کر لیا گیا جبکہ ان کے قبضے سے 8 کلوگرام سے زائد چرس برآمد کی گئی۔ترجمان پولیس کے مطابق کارروائیاں تھانہ نصیر آباد، آر اے بازار، ریس کورس، ٹیکسلا، گوجر خان، دھمیال اور روات کے علاقوں میں کی گئیں۔ سی پی او راولپنڈی نے کہا ہے کہ منشیات کے ناسور کے خاتمے کے لیے زیرو ٹالرنس پالیسی پر عمل کیا جا رہا ہے اور ایسے عناصر کے خلاف کریک ڈاؤن جاری رہے گا۔عوام سے اپیل کی گئی ہے کہ وہ معاشرے کو منشیات سے پاک کرنے کے لیے پولیس کے ساتھ تعاون کریں اور کسی بھی مشکوک سرگرمی کی اطلاع فوری طور پر دیں۔