کلرسیداں(نمائندہ پنڈی پوسٹ)انجمن پٹواریاں ضلع راولپنڈی کے مرکزی عہدیداران نےکہا ھے کہ ملزمان کی عدم گرفتاری پر جی ٹی روڈ کو بلاک کیا جاۓ گا۔ ان خیالات کا اظہارانجمن پٹواریاں ضلع راولپنڈی کے مرکزی عہدیداران نے یہاں کلر سیداں میں منعقدہ احتجاجی تقریب کے دوران اپنے خطاب میں کیا ۔تفصیلات کے مطابق ناٸب تحصیلدار راولپنڈی ملک جاوید پر گزشتہ دنوں احاطہ کچہری میں کچھ افراد کی جانب سے قاتلانہ حملے کی مزمت میں ضلع راولپنڈی کے محکمہ مال کے افسران و دیگر سٹاف کی جانب سے جاری ہڑتال آج نویں روز میں داخل ھو گٸی مگر تا حال ملزمان کی گرفتاری کو عمل میں نہ لایا جا سکا جس پر تحصیل کلرسیداں میں تحصیلدار محمود احمد بھٹی کی زیر صدارت آج ایک تقریب منعقد کی گٸی جس میں ضلع راولپنڈی سے تعلق رکھنے والے محکمہ مال کے افسران نے شرکت کی اس موقع پر تحصیلدار کلر سیداں محمود احمد بھٹی ۔ناٸب تحصیلدار مرزا منصور ۔ثاقب ریحان ۔انجمن پٹواریاں مری کے صدر راجہ ممتاز۔انجمن پٹواریاں گوجرخان کے صدر چوھدری جمیل وارثی۔تحصیل راولپنڈی کے صدر چوھدری طاہر وڑاٸچ۔ضلع جہلم کے صدر چوھدری واجد نصیر۔ملک خادم ۔شبیر بھٹی۔لالہ صابر پٹواری اور چوھدری جمیل پٹواری نے خطاب کیا۔اس موقع پر مقررین نے کہا کہ انتظامیہ کے اعلی افسران نے ھماری کوٸی مدد نہیں کی اور اگر اب بھی انتظامیہ نے لیت و لعل سے کام لیا تو ہم اس احتجاج کو ڈویژنل سطح پر لے جاٸیں گے اور مطالبات کی منظوری تک قلم چھوڑ ہڑتال کو جاری رکھیں گے ۔اس موقع پر خطاب کرتے ھوۓ واٸس چیٸرمین انجمن پٹواریاں پاکستان چوھدری اس گرداور نے کہا ھے کہ ھمارے احتجاج کے باوجود سب رجسٹرار آفس کھلا ھے اور کام جاری ھے انہوں نے خبدار کیا ھے کہ اگر رجسٹرار آفس بند نہ ھوا تو ھم اسکو تالے لگا کر خود بند کر دیں گے ۔تمام مقررین نے ناٸب تحصیلدار ملک جاوید کے ساتھ اظہار یکجہتی اور شانہ بشانہ چلنے کا عندیہ دیا ھے۔
146
