راولپنڈی(نمائندہ پنڈی پوسٹ)یونین کونسل جھٹہ ہتھیال کے سابق کونسلر شبیر احمد نے سی پی او راولپنڈی احسن یونس سے درخواست کی ہے کہ علاقے سے منشیات کے خاتمے کے لئے تھانہ میں منشیات مافیا کے خلاف درخواست دینے پر اسکے اور اس کے خاندان کے خلاف تھانہ روات میں جھوٹی اورمن گھڑت ایف آئی آرز درج کی جارہی ہیں تاکہ اس مافیا کے خلاف اٹھنے والی آواز کو دبایا جاسکے اور اس دھندے کو مزید پروان چڑھایاجاسکے تفصیلات کے مطابق گزشتہ سال شبیر احمد سابق کونسلر یونین کونسل جھٹہ ہتھیال نے تھانہ روات میں درخواست دی جس پر تھانہ روات میں مقدمہ نمبر 334/20 درج ہوا جس کی رنجش میں منشیات فروشوں نے اس کے بھائی پر قاتلہ حملہ کیا جس پر 472/21 مقدمہ درج ہوا اس کے بعد متعدد مرتبہ اس پر اوراس کے بھائیوں پر قاتلانہ حملے ہوئے ہیں اور چند دن قبل اے ایس آئی,شاہد نے ان منشیات فروشوں کے ہمراہ اس کے بھائی کے گھر رات کو جاکر دھمکیاں دیں کہ آپ اپنی درخواستیں واپس لیں بصورت دیگر آپ کو بھیانک نتائج کا سامنا کرنا پڑے گا اور ہر طرح سے اذیت کا نشانہ بنایا جارہا ہے اور ہراسا ں کیا جارہا ہے مگر پولیس تاحال کو ئی کاروائی کرنے سے گریزاں ہے شبیر احمد سابق کونسلر اور علاقہ عمائدین نے اعلی حکام سے اس کا فوری نوٹس لے کر ان منشیات فروشوں اور پولیس میں چھپی کالی بھیڑوں کے خلاف کاروائی کی اپیل کی ہے تاکہ نوجوان نسل کو تباہی سے بچایا جاسکے اور ان منشیات فروشوں کے مافیا کو انجام تک پہنچایاجاسکے
