ہنگو میں 2 دھماکے، ایس پی آپریشنز سمیت 3 پولیس اہلکار شہید ہو گئے۔ہنگو میں دہشت گردانہ حملوں کے نتیجے میں ایس پی آپریشنز اسد زبیر سمیت تین پولیس اہلکار شہید ہو گئے۔ دھماکوں میں ایک اہلکار زخمی ہواجنہیں فوری طور پر ہسپتال منتقل کردیا گیا۔
پولیس کے مطابق دہشت گردوں نے غلمینہ چیک پوسٹ کو دھماکے سے نشانہ بنایا۔واقعے کی اطلاع ملنے پر ایس پی آپریشن اسد زبیر بھاری پولیس دستے کے ساتھ جائے وقوعہ کی طرف روانہ ہوئے۔راستے میں پولیس گاڑی کو بم دھماکے سے نشانہ بنایا گیا جس کے نتیجے میں ایس پی سمیت تین اہلکار موقع پر شہید ہو گئے۔
واقعے کے بعد علاقے میں سکیورٹی سخت کر دی گئی ہے اور پولیس دہشت گردوں کی گرفتاری کے لیے سرچ آپریشنز شروع کر چکی ہے۔
