راولپنڈی پولیس کی موثر تفتیش،معزز عدالت نے قتل کے مقدمہ میں نامزد ملزم کو جرم ثابت ہونے پر سزائے موت معہ 05لاکھ روپے جرمانہ کی سزا سنا دی،ملزم نے ذاتی رنجش کی بناء پر فائرنگ کرکے اورنگزیب نامی شخص کو قتل کردیا تھا۔تفصیلات کے مطابق راولپنڈی پولیس سنگین نوعیت کے مقدمات میں ملوث ملزمان کو ٹھوس شواہد کے ساتھ چالان کرکے مقدمات کی موثر پیروی کررہی ہے جس کے پیش نظر معزز عدالتیں ملزمان کو قرار واقعی سزا ئیں سنا رہی ہیں،معزز عدالت کے جج باسط علیمASJنے قتل کے مقدمہ میں نامزد ملزم قمراقبال کو جرم ثابت ہونے پر سزائے موت معہ 05لاکھ روپے جرمانے کی سزا سنا دی،ملزم قمر اقبال نے ذاتی رنجش کی بناء پر فائرنگ کرکے اورنگزیب نامی شخص قتل کردیاتھا،واقعہ کا مقدمہ مقتول کے بھائی ارشد محمود کی مدعیت میں جولائی2019میں درج کیاگیاتھا،ملزم کو تھانہ کوٹلی ستیاں پولیس نے گرفتارکیااور ٹھوس شواہد کے ساتھ چالان کرکے مقدمہ کی موثر پیروی کی،جس کے پیش نظرمعزز عدالت کی جانب سے ملزم کو قرار واقعی سز اسنائی گئی
258
