روات کلرسیداں روڈ پرٹال پلازہ باقاعدہ طورپریکم جولائی سے شروع کردیاجاۓگایادرہےیہ ٹال پلازہ تھانہ روات کی حدود مانکیالہ ساگری کے ایریا میں ٹال پلازہ لگایا جاۓ گاجو یکم جولائی سے شروع ہو رہا ہے محکمہ ہائی وے اتھارٹی کے افسران نے پنڈی پوسٹ کو بتایا کہ چیف انجینئر نارتھ ہاوے ڈیپارٹمنٹ آف لاہور سے باضابطہ طور پر اس کی منطوری ہوچکی ہے اس بابت متعلقہ تھانہ روات کےایس ایچ اوکو بھی آگاہ کر دیا گیا ہے
پنڈی پوسٹ کو زرائع نے بتایا کہ اب ٹول پلازہ روات سے چھ کلومیٹر کے فاصلہ پر سردار مارکیٹ اور ساگری کے درمیان بنایا جارہا ہے جو یکم جولائی سے کام شروع کردے گا
اس سے قبل یکم فروری کو مانکیالہ کے مقام پر ٹول پلازہ کو بنایا گیا تھا جس کو مقامی لوگوں نے احتجاج کرتے ہوئے توڑ پھوڑ کرتے ہوئے ختم کردیا تھا جس کی بناء پر تھانہ روات میں سترہ افراد کو نامزد کرکے مقدمہ درج کیا گیاتھا
اس دوران مقامی علاقہ لوہدرہ کے رہائشی چوہدری رمیض ایڈووکیٹ نے ٹول پلازہ کو مانکیالہ کے مقامی پر بنانے کو غیر قانونی قرار دیتے ہوئے عدالت سے حکم امتناہی حاصل کرلیا تھا
تقریبا اڑھائی ماہ کی خاموشی کے بعد آج دوبارہ ٹول پلازہ کا کام شروع کیا جارہا ہے نوٹیفکیشن کے مطابق ٹول پلازہ کو روات سے سات کلومیٹر دور تحصیل کلرسیداں کے ایریا میں بننا تھا لیکن سردار مارکیٹ کے قریب اس کو بنانے سے محکمہ ہائی وے پنجاب ڈی ایچ اے ویلی اور ہومز کے رہائشیوں سے زیادہ سے زیادہ ریونیو حاصل کرنا چاہتی ہے
