چاول کے پانی کو کچھ لوگ اوغرا کہتے ہیں کچھ لوگ چاولوں کی پچ کہتے ہیں انتہائی مفید ہے اکثر ممالک میں بطور سوپ اور مشروب استعمال کیا جاتا ہے۔چاول ابالنے کے بعد ان کا پانی پھینکئے ہرگز نہیں بلکہ اس کام کیلئے استعمال کریں تو آپ ہر ماہ ہزاروں روپے بچاسکتے ہیں۔ تمام لوگوں بالخصوص خواتین کی خواہش ہوتی ہے کہ ان کے چہرے پر جھریاں، چھائیاں اور کیل مہاسے پیدا نہ ہوں اور اس مقصد کے لئے کریموں پر ہر ماہ ہزاروں روپے بھی لگاتی ہیں لیکن اگر آپ چاولوں کے پانی کا استعمال کریں تو آپ ان مصنوعی کریموں سے بچ سکتے ہیں۔ چاولوں کو 20منٹ ہلکی آنچ پر ابالنے کے بعد اس کا پانی پھینکنے کی بجائے اسے بوتل میں رکھ لیں۔
آئیے آپ کو اس کے مختلف استعمال بتاتے ہیں۔جن لوگوں کا معدہ خراب ہو جلن ہو وہ لوگ اسکا ایک کپ پانی نیم گرم نمک ملا کر پیا کریں روزانہ یا ایک دن چھوڑ کر اس سے کافی بہتری ہوگی۔ جن لوگوں کے پیشاب میں جلن ہو وہ ایک کپ روزانہ استعمال کریں اس سے پیشاب زیادہ آتا ہے اور جلن میں افاقہ ہو گا۔اگر آپ اپنی جلد کو تروتازہ رکھنا چاہتے ہیں تو اس پر چاولوں کا پانی لگائیں۔ اس کی وجہ سے جلد پر موجود مردہ خلیے ختم ہوں گے اور ساتھ ہی نئی جلد پیدا ہوگی۔ چہرہ دھونے کے بعد روئی کے گالے پر چاولوں کا پانی لگائیں اور اسے چہرے پر مساج کریں۔
اگر جلد پر کیل مہاسے بننے لگیں تو اس پر چاولوں کا پانی لگانے سے جلد ٹھیک ہوجائے گی اور آپ بغیر کوئی کریم لگائے کیل مہاسوں سے نجات پالیں گے۔جن افراد کو جلدی بیماری ایگزیما کی شکایت ہوانہیں چاہیے کہ کوئی کریم لگانے کی بجائے چاولوں کے پانی کااستعمال کرے۔ جن افراد کو یہ مسئلہ درپیش ہوتا ہے انہیں جلد پر خارش، چبھن اور جلن کی شکایت ہوتی ہے۔ایسے لوگوں کو چاہئے کہ جسم کے جس حصے پر یہ تکلیف ہووہاں چاولوں کا پانی دن میں دو سے تین بارلگائیں۔
