لوکل گورنمنٹ اینڈ کمیونٹی ڈویلپمنٹ نے جہلم سمیت صوبہ بھر کے نکاح خوانوں کو ختم نبوت کے حلفیہ بیان والے فارم کے تحت نکاح پڑھانے کے احکامات جاری کر دیئے اور پرانے رجسٹرڈ فوری طور پر متعلقہ یونین کونسلز میں جمع کروانے کے احکامات جاری کر دیئے۔ اسسٹنٹ ڈائریکٹر لوکل گورنمنٹ کی طرف سے جاری ہونیوالے مراسلے میں جہلم سمیت صوبہ بھر کے ڈویژنل ڈائریکٹرز کو کہا گیا ہے کہ وہ مسلم فیملی آرڈی نینس 1961ء کے تحت صوبہ بھر کے نکاح خوانوں رجسٹرار سے پرانے رجسٹرڈ واپس جمع کر لیں، خواہ مذکورہ پرانے رجسٹر میں کتنے ہی اوراق خالی ہوں اور حکومت پنجاب کی طرف سے نئے فارم جس پر ختم نبوت کے حلفیہ بیان‘والے فارم ہیں وہ ہی قابل قبول ہونگے اور ختم نبوت کے بغیر نکاح کی اب کوئی حیثیت نہیں ہو گی اور یونین کونسل کے سیکرٹریز کو حکم جاری کیا گیا ہے کہ وہ اپنے اپنے علاقوں کے نکاح خوان سے پرانے رجسٹرڈ واپس لیکر نئے رجسٹر ڈ جاری کریں۔
515
