مہنگائی کا طوفان شہریوں کی زندگیاں اجیرن ہو گئیں

مہنگائی کے طوفان نے شہریوں کی زندگیاں اجیرن کر دیں۔شہری حکومت کے خلاف پھٹ پڑے۔ شہریوں نے سخت مایوسی کا اظہار کردیا،مختلف مکاتب فکر سے تعلق رکھنے والے افرادنے جہلم پریس کلب کے صحافیوں سے اظہار خیال کرتے ہوئے کہا کہ اشیاء خوردونوش کی قیمتیں آسمان سے باتیں کر رہی ہیں گوشت تو عام آدمی کی پہنچ سے کوسوں میل دور ہو چکا ہے اب تو سبزیاں بھی اتنی مہنگی ہو چکی ہیں کہ قوت خرید سے باہر ہیں جہلم آلو کی پیداوار کے حوالے سے نمایاں اہمیت کا حامل ہے یہاں آلو کی قیمت 70 روپے فی کلو، ادرک 270 روپے، کریلے 90 روپے، بینگن کی قیمت 120 فی کلو،بھنڈی 120 روپے فی کلو بازار میں فروخت ہو رہی ہے، ضلعی انتظامیہ سرکاری نرخوں پر اشیاء خورد ونوش اور سبزیاں فروٹ فروخت کروانے میں مکمل ناکام نظرآتی ہے، شہریوں نے وزیراعلیٰ پنجاب، چیف سیکرٹری پنجاب سے مطالبہ کیاہے کہ اشیاء خوردونوش کی قیمتیں قیمت ایپ پنجاب کے نرخوں پر فروخت کرنے کا پابند بنایاجائے تاکہ مہنگائی کا سیلاب تھم سکے۔