راولپنڈی (نمائندہ پنڈی پوسٹ)ملکہ کوہسار مری اور گلیات میں وقفے وقفے سے برف باری کا سلسلہ جاری ہے، جبکہ لاہور سمیت پنجاب کے مختلف علاقوں میں بارش سے دھند چھٹ گئی۔مری میں آسمان سے گرتے نرم برف کےگالوں نے ہر شے کو ڈھانپ لیا، آزاد کشمیرمیں گریس ویلی میں دریائے نیلم پر پانی جم گیا، دریا پر جمی برف پر بچوں نے موج مستی کی۔
پیر کے روز گوجرخان ،چکوال اور جہلم کےملحقہ علاقوں میں بارش سے فضاصاف ہو گئی اور دھند کا خاتمہ ہو گیا بارش ہونے سے ہر کسی کے چہرے بھی کھل اٹھے
جہلم کے قریب بارش سے روڈ پر پھسلن ہونے کے باعث مختلف گاڑیاں بھی ٹکرا گئیں تاہم کوئی جانی نقصان نہیں ہوا
ادھر بلوچستان میں سخت سردی کے ڈیرے ہیں، کوئٹہ میں درجہ حرارت منفی پانچ تک ریکارڈ کیا گیا۔محکمہ موسمیات نے آج سے کراچی میں سائبیرین ہوائیں چلنے کا امکان ظاہر کیا ہے۔
