ٹیکسلا ۔ ریجنل پولیس آفیسر (آر پی او) راولپنڈی بابر سرفراز الپا نے حکومت پنجاب کے ویژن اور اوپن ڈور پالیسی کے تحت تھانہ ٹیکسلا میں کھلی کچہری کا انعقاد کیا، کھلی کچہری میں شہریوں کی بڑی تعداد نے شرکت کی اور اپنے مسائل اور درخواستیں پیش کیں،آر پی او بابر سرفراز الپا نے شہریوں کی شکایات کو بغور سنا اور موقع پر موجود متعلقہ افسران کو ہدایات جاری کیں کہ شہریوں کے مسائل ترجیح بنیادوں پر حل کر کے مقررہ وقت میں رپورٹ بھجوائی جائے،اس موقع پرایس پی طلحہ ولی،ڈی ایس پی ملک ارشاد، تھانہ ٹیکسلا کے ایس ایچ او چوہدری ذوالفقار، ایس ایچ او تھانہ واہ صدر سید آفتاب حسین شاہ، ایس ایچ او تھانہ واہ سٹی سید کلیم،سابق چئیرمین ملک سہیل عمران، سید مشتاق نقوی، سرور علوی،و دیگر عمائدین علاقہ بھی موجود تھے،اس موقع پر گفتگو کرتے ہوئے آر پی او کا کہنا تھا کہ شہریوں کو بروقت اور بلاتفریق انصاف کی فراہمی ہماری اولین ترجیح ہے،پولیس عوام کی خادم ہے، اور کھلی کچہریوں کے انعقاد کا مقصد عوام کو ان کی دہلیز پر انصاف مہیا کرنا ہے،انہوں نے مزید کہا کہ یہ سلسلہ آئندہ بھی جاری رکھا جائے گا تاکہ عوام اور پولیس کے درمیان باہمی اعتماد کو فروغ دیا جائے، ایس ایچ او تھانہ ٹیکسلا چوہدری ذوالفقاراور دیگر ایس ایچ اوز کی کارکردگی تسلی بخش ہے، جرائم کے خاتمے کے لئے یہ احسن طریقے سے فرائض منصبی ادا کر رہے ہیں
