خاتون کی نازیبا ویڈیو شیئر کرنے والاتین رکنی گینگ گرفتار

راولپنڈی نیشنل سائبر کرائم انوسٹی گیشن ایجنسی (این سی سی آئی اے) راولپنڈی نے خاتون کی برہنہ اور قابل اعتراض تصاویر و ویڈیو واٹس ایپ گروپ میں شئیر کرنے اور بلیک میلنگ میں مطلوب بھائی بہنوں پر مشتمل 3 رکنی گروہ گرفتار کرلیا مسماۃ (م ق) نامی متاثرہ خاتون کی شکائیت پر گرفتار ہونے والے گروہ میں شامل بہنوں تسمیہ فاروق، صائمہ نورین اور ان کا بھائی عامر فاروق شامل ہیں ملزمان شہریوں کو نفسیاتی جال میں پھنسا کر ان کی نجی زندگی کو نشانہ بناتے رہے متاثرہ لڑکیوں سے دوستی کے بعد مذکورہ بہنیں اپنے بھائی سے ان کا تعارف کرواتی تھیں اور قربت بڑھنے پر غیر اخلاقی و غیر قانونی نوعیت کی ویڈیوز اور تصاویر خفیہ طور پر تیار کی جاتیں بعد ازاں اس مواد کو وائرل کرنے کی دھمکی دے کر متاثرہ افراد کو بلیک میل کر کے بھاری رقوم وصول کی جاتی متاثرہ خاتون کی درخواست پر ایڈیشنل ڈائریکٹر محمود الحسن ستی کی ہدایت پر سرکل انچارج ندیم احمد خان نے ملزمان کو گرفتار کر کے ان کے فون قبضے میں لئے فون ڈیوائسز کی فرانزک جانچ سے قابل اعتراض ویڈیوز، تصاویر اور چیٹس برآمد ہوئیں جس پر ملزمان کے خلاف پریونشن آف الیکٹرانک کرائم ایکٹ (پیکا) 2016 کی سیکشن 20 اور 21 کے ساتھ تعزیرات پاکستان کی دفعات 109 اور 383 کے تحت مقدمہ درج کر لیا گیا