ایف آئی اے کی بڑی کارروائیاں، حوالہ ہنڈی میں ملوث دو افراد گرفتار

کراچی (حذیفہ اشرف)ایف آئی اے کراچی زون نے ڈی جی ایف آئی اے کی ہدایت پر غیر قانونی کرنسی ایکسچینج اور حوالہ ہنڈی کے خلاف مؤثر کارروائیاں کرتے ہوئے دو ملزمان، پرویز کھانانی اور عمران خان، کو گرفتار کر لیا۔ کارروائیاں گل پلازہ شاپنگ سینٹر اور طارق روڈ کے علاقوں میں کی گئیں۔ترجمان کے مطابق ملزمان کے قبضے سے 30 ہزار 500 امریکی ڈالر، موبائل فونز، چیک بکس اور غیر قانونی کرنسی کاروبار سے متعلق اہم ڈیجیٹل شواہد برآمد کیے گئے۔ دونوں افراد بغیر لائسنس کرنسی ایکسچینج کا کاروبار کر رہے تھے اور برآمد شدہ رقم کے متعلق تسلی بخش وضاحت بھی پیش نہ کر سکے۔ایف آئی اے نے گرفتار ملزمان سے تفتیش شروع کر دی ہے جبکہ ان کے دیگر ساتھیوں کی گرفتاری کے لیے چھاپے بھی جاری ہیں۔