الیکشن کی تاریخ کا اعلان نہ ہونے پر تشویش ہے،چوہدری نثار

راولپنڈی (زاہد نقیبی،نمائندہ پنڈی پوسٹ) سابق وفاقی وزیر داخلہ چوہدری نثار علی خان کا راولپنڈی کے علاقہ ساگری کا سیاسی دورہ, گکھڑ ہاؤس پہنچنے پر قاسم مشتاق کیانی سمیت عوام علاقہ نے شاندار استقبال کیا, انہوں نے موجودہ ملکی سیاسی صورتحال پر بات چیت کرتے ہوئے کہا کہ اس وقت ملک اجتماعی ڈگمگا رہا ہے اللہ تعالی ملک کو محفوظ رکھے, پاکستان کے لئے مشکل حالات ہیں دو اسمبلیاں ٹوٹی ہوئی ہیں اس وقت الیکشن کی تاریخ اناؤنس ہو جانی چاہیے تھی جو نہیں ہوئی، ہو گی بھی یا نہیں، اتنی عجیب بات ہے کہ قومی اسمبلی کے الیکشن علیحدہ سے ہوں گے اور صوبائی اسمبلیاں کے علیحدہ سے،کب ہوں گے کوئی پتہ نہیں، انہوں نے کہا کہ اسی طرح اگر سارا علاقہ اکٹھا ہو تو یہ میری سیاسی قوت بنتی ہے،انہوں نے نوجوانوں سے کہا کہ جب بھی الیکشن کی تاریخ اناؤنس ہو میری خاطر اپنے اپنے علاقوں میں متحرک ہو جائیں اور صوبائی سیٹ کے لئے آپ نے میرا ساتھ دینا ہے اور قومی اسمبلی کا حلقہ کیونکہ گوجرخان کے ساتھ ہے اس لئے آپ لوگ راجہ پرویز اشرف کا ساتھ دیں کیونکہ وہ شریف النفس انسان ہیں، آخر میں انہوں نے قاسم کیانی اور دیگر کا شکریہ ادا کرتے ہوئے کہا کہ آپ لوگوں نے ابھی سے اتنے عوام جمع کرکے الیکشن کا ماحول بنا دیا ہے, بعدازاں ان سے دوسری یونین کونسلوں سے چیئرمینوں کی قیادت میں آنے والے وفود نے ملاقاتیں کیں,