اسلام آباد، گھر میں نقب زنی، چور زیورات ودیگر قیمتی سامان لے اُڑے

اسلام آباد (نمائندہ پنڈی پوسٹ)تھانہ کرپا اسلام آبادکی حدود میں ویرانے گھر میں چوری کی وردات،چور زیورات ودیگر قیمتی سامان لے اُڑے، تفصیلات کے مطابق لوتھانہ کرپا اسلام آباد کے نواحی گائوں چوچا شیخاں کا رہائشی احتشام پرویز جن کا معصوم بچہ چند دن قبل کرنٹ لگانے سے وفات پا گیا تھا جسے تدفین کیلئے آزادکشمیر لے جایا گیا ہے ،گھر خالی ہونے کا فائدہ اٹھاتے ہوئے نامعلوم چور دیوار میں سیڑھی لگاکر گھرمیں داخل ہوئے اور گھرمیں موجود ساری زندگی کی جمع پونجی اور قیمتی زیورات لے اڑے۔ واردات کے بعد عوام علاقہ میں شدید تشویش کی لہر دوڑ گئی ہے انتظامیہ سے فوری چوروں کو گرفتار کرکے عبرتناک سزا دینے کامطالبہ کیا ہے، اطلاع پر پولیس فرانزک سی آئی اے ٹیم موقع پر پہنچ گئی جائے وقوعہ کاجائزہ لیتے ہوئے شواہد جمع کئے تفتیش بھی شروع کردی گئی ،سی آئی اے ٹیم کا کہنا کہ جلد تفتیش مکمل کرکے حقائق سے آگاہ کرینگے۔