ڈڈیال (ہارون مغل‘نمائندہ پنڈی پوسٹ)تحصیل ہیڈ کواٹر ہسپتال ڈڈیال میں قومی صحت کارڈ کے اجراء کے لیے کیمپ لگادیا گیا ہے،آزادکشمیر سے تعلق رکھنے والے تمام شہری اپنے خاندان کے صحت کارڈ تحصیل ہیڈکواٹر ہسپتال سے صبح 9 بجے سے شام 4 بجے تک وصول کرسکتے ہیں،جسکے لیئے آپ کو کسی سفارش یا ضرورت نہیں ہے بس صرف آپکے پاس اپنا اوریجنل شناختی کارڈ ہونا لازمی ہے تحصیل ہیڈکواٹر ہسپتال میں ایک ماہ تک یہ کیمپ لگایا جائے گا کیمپ انتظامیہ کے مطابق تحصیل ڈڈیال کے 40 ہزار سے زائد خاندانوں کے کارڈ ہمارے پاس موجود ہیں لیکن ابھی تک انتہائی کم لوگوں نے اپنے کارڈ وصول کیے ہیں،لہذا زیادہ سے زیادہ لوگوں تک یہ پیغام پہنچایا جائے کہ وہ تحصیل ہیڈکواٹر ہسپتال سے اپنے خاندان کو قومی صحت کارڈ وصول کرلیں
291
