راولپنڈی تھانہ کلر سیداں کے نواحی علاقہ گنگوٹھی داخلی چوکپنڈوری کا رہائشی عبدالغفور نامی شخص کچے کے ڈاکوؤں کے ہاتھ لگ گیا۔ملزمان نے مغوی کو تشدد کرنے کی ویڈیو اس کے گھر والوں کو بھیج کر تاوان کا مطالبہ کر دیا ۔
مجیب الرحمان سکنہ گنگوٹھی نے مقدمہ درج کروایا کہ میں مزدوری کرتا ہوں ہم 6 بھائی جبکہ دو بہنیں ہیں ،میرا چھوٹا بھائی عبدالغفور جس کی عمر 37 برس ہے گھر میں ہی ہوتا ہے۔ مورخہ 20 جون ،گھر سے کپڑوں کے دو عدد جوڑے پیک کر کے یہ کہتے ہوئے چلا گیا کہ میں ضروری کام کے سلسلے میں جا رہا ہوں ،قریب شام 5 بجے، میں نے اپنے موبائل فون نمبر سے بھائی کے نمبر پر رابطہ کیا مگر اس کا موبائل فون بند ہونے کی وجہ سے رابطہ نہ ہو سکا۔
بھائی کا موبائل فون مسلسل بند مل رہا ہے ۔اپنے طور پر بھائی کو تلاش کرتا رہا جس کا ابھی تک کوئی سراغ نہ مل سکا ۔ ادھر تھانہ کلر سیداں نے نامعلوم ملزمان کیخلاف اغوا کا مقدمہ درج کر کے مغوی کی تلاش شروع کر دی
