نوجوان نسل میں جذبہ حب الوطنی کو فروغ دینا اور ماحول دوست سرگرمیوں کو عام کرنا وقت کی ضرورت ہے: صدر روٹری کلب کا یوم آزادی کے موقع پر شجر کاری مہم سے خطاب

ٹیکسلا۔ روٹری کلب اسلام آباد میٹرو پولیٹن کے زیرِ اہتمام یومِ آزادی کی مناسبت سے الخدمت فاؤنڈیشن گرلز اسکول حسن ابدال میں ایک پُروقار تقریب کا انعقاد کیا گیا، جس میں طلبہ و اساتذہ نے بھرپور شرکت کی۔ طالبات نے پاکستان سے اپنی محبت اور اعتماد کا شاندار مظاہرہ کرتے ہوئے ملی نغمے اور تقاریر پیش کیں، جنہیں شرکاء نے بے حد سراہا۔ تقریب کے دوران شجرکاری مہم کا بھی آغاز کیا گیا، اس موقع پر صدر روٹری کلب اسلام آباد، رئیر ایڈمرل (ر) شاہد سعید نے اپنے خصوصی پیغام میں کہا کہ نوجوان نسل میں حب الوطنی کے جذبے کو فروغ دینا اور ماحول دوست سرگرمیوں کو عام کرنا وقت کی اہم ضرورت ہے۔ تقریب میں روٹری کلب کے سینئر اراکین و ممبرز نے شرکت کی شرکاء میں شوکت مسعود، تعظیم چوہدری، ماجد قریشی، عدیل جمال، ملک شبیر، راجہ محمد شبیر، ملک ظہور احمد اور نادیہ عماد نے خصوصی شرکت کی۔ اس موقع پر فعال تعاون اور بہترین رابطہ کاری پر رکن سید ولی اللہ حسینی کو خصوصی طور پر خراجِ تحسین پیش کیا گیا اور تمام شرکاء و منتظمین کا شکریہ ادا کیا گیا۔