وزیراعظم شہباز شریف کا بابا گرو نانک کے 556 ویں یومِ پیدائش پر بین المذاہب ہم آہنگی کا عزم

وزیراعظم محمد شہباز شریف نے بابا گرو نانک دیو جی کے 556 ویں یومِ ولادت کے موقع پر دنیا بھر کی سکھ برادری کو مبارکباد دیتے ہوئے کہا کہ بابا گرو نانک کی تعلیمات انسانیت، امن، رواداری اور برداشت کا حسین پیغام ہیں جو آج بھی نسلوں کی رہنمائی کر رہی ہیں۔وزیراعظم نے کہا کہ پاکستان کو اس بات پر فخر ہے کہ یہاں بابا گرو نانک سے منسوب مقدس گوردواروں—خصوصاً جنم آستان ننکانہ صاحب—کی بہترین دیکھ بھال کی جاتی ہے۔ حکومت پاکستان نے مذہبی اقلیتوں کے حقوق کے تحفظ کا غیر متزلزل عزم دہرایا اور دنیا بھر سے آنے والے سکھ یاتریوں کو ہر ممکن سہولیات فراہم کرنے کا عہد کیا۔انہوں نے کہا کہ اس پرمسرت دن کا تقاضا ہے کہ ہم بابا گرو نانک کے امن و محبت کے پیغام کو اپناتے ہوئے دنیا کو ہم آہنگی، برداشت اور احترامِ باہمی کا مرکز بنائیں۔