کلرسیداں (یاسر ملک)کلر سیداں پولیس کی کارروائی، غیر قانونی طور پر کھلا پٹرول لے جانے والا شخص گرفتار۔تفصیلات کے مطابق تھانہ کلر سیداں پولیس نے ناکہ بندی کے دوران کارروائی کرتے ہوئے مانسہرہ کے رہائشی ایک شخص کو کھلا پٹرول لے جانے کے الزام میں گرفتار کر لیا۔ پولیس کے مطابق ملزم کی شناخت ابرار ولد محمد اقبال، ساکن سرنی پھلڑہ، تحصیل و ضلع مانسہرہ کے طور پر ہوئی ہے۔دورانِ چیکنگ ملزم سے کھلا 7 لیٹر پٹرول برآمد ہوا، جس کے لیے وہ کوئی اجازت نامہ یا لائسنس پیش نہ کر سکا۔ پولیس نے موقع پر ہی گیلن پٹرول بطور ثبوت قبضہ میں لیتے ہوئے قانونی کارروائی مکمل کر کے مقدمہ درج کر لیا ہے۔پولیس حکام کا کہنا ہے کہ کھلے پٹرول کی نقل و حمل نہ صرف قانوناً ممنوع ہے بلکہ عوامی تحفظ کے لیے خطرہ بھی بن سکتی ہے۔ قانون کی خلاف ورزی پر سخت کارروائی عمل میں لائی جائے گی۔
