انتہائی افسوس اور گہرے رنج کے ساتھ اطلاع دی جاتی ہے کہ ہمارے انتہائی پیارے دوست، بہترین وکٹ کیپر بیٹس مین، خوش اخلاق اور ہر دلعزیز شخصیت Amar Ali Shah ہم سے ہمیشہ کے لیے جدا ہو گئے۔
نامعلوم ظالموں کی فائرنگ کے نتیجے میں ان کی المناک موت نے نہ صرف ان کے اہل خانہ بلکہ پورے کرکٹ حلقے، دوست احباب اور چاہنے والوں کو شدید صدمے میں مبتلا کر دیا ہے۔ مرحوم ایک نہایت خوش مزاج، باصلاحیت اور زندہ دل انسان تھے، جنہوں نے اپنی بہترین شخصیت اور کھیل کے ذریعے ہر دل میں جگہ بنائی۔
ان کی اچانک جدائی ایک ناقابلِ تلافی نقصان ہے۔ آج کرکٹ گراؤنڈ، دوستوں کی محفلیں اور ان سے جڑی ہر یاد سوگوار ہے۔
ہم متعلقہ حکام سے مطالبہ کرتے ہیں کہ اس افسوسناک واقعے کی فوری، شفاف اور مکمل تحقیقات کی جائیں اور اس ظلم میں ملوث عناصر کو قانون کے مطابق سخت سے سخت سزا دی جائے تاکہ آئندہ کسی اور گھر کا چراغ اس طرح نہ بجھے۔
اللہ تعالیٰ مرحوم Amar Ali Shah کو جنت الفردوس میں اعلیٰ مقام عطا فرمائے، ان کے اہل خانہ کو صبرِ جمیل دے اور تمام سوگواران کو یہ صدمہ برداشت کرنے کی ہمت عطا فرمائے۔ آمین۔
