کلرسیداں (نمائندہ پنڈی پوسٹ)کلرسیداں کے گاؤں منیاندہ کے برطانیہ کے شہر کوونٹری میں مقیم سرگرم سماجی رہنما حاجی چوہدری محمد یونس پاکستان میں چھٹیاں گزارنے کے بعد برطانیہ روانہ ہو گئے۔انہوں نے ضلع ڈیرہ غازیخان میں سیلاب سے متاثرہ خاندانوں کے لیئے 68 نئے پختہ گھر تعمیر کر کے چابیاں ان کے حوالے کیں ایک جامعہ مسجد دو چھوٹی مساجد بھی تعمیر کر کے متاثرین کے سپرد کیں۔31 مقامات پر صاف اور میٹھے پانی کی فراہمی کے لیئے بور کرائے، 12 اجتماعی شادیاں کرائی گئیں اور چند ایام قبل گاؤں منیاندہ میں سالانہ فری آئی کیمپ کا انعقاد کیا جس میں 72 خواتین و حضرات کے سفید موتیئیے کی مفت آپریشن ہوئے۔جس میں 800 کے قریب فری عینکیں،ادویات۔شوگر،ہپیٹائٹس بی سی کے مفت ٹیسٹ کے ساتھ ساتھ آنے والوں کو تین ایام کھانا بھی مہیا کیا اور لوئر دیر خیبر پختون خواہ کی بستی کَس بالا میں مسجد کی بنیاد بھی رکھی۔
93
