چکوال (نمائندہ پنڈی پوسٹ)آئی جی پنجاب ڈاکٹر عثمان انور اور آر پی او راولپنڈی ڈویژن کی ہدایت پر ڈسٹرکٹ پولیس آفیسر چکوال لیفٹیننٹ ریٹائرڈ احمد محی الدین کی زیر نگرانی تھانہ نیلہ کا کتوں کی لڑائی کروا کر جواء کروانے والے اڈے پر چھاپہ مارا
ایس ڈی پی او صدر سرکل چکوال میڈم سارہ علی ہاشمی کی سربراہی میں ایس ایچ او تھانہ نیلہ سب انسپکٹر صہیب ظفر نے ہمراہ ٹیم کارروائی کرتے ہوئے جوئے کی محفل الٹ دی۔تھانہ نیلہ نے 34 افراد کو حراست میں لیکر جوئے پر لگی ہوئی ٹوٹل 1 کروڑ 71 لاکھ 9 ہزار 170 روپے مالیت کا سامان و نقدی اور جوئے میں استعمال ہونے والے کتے برآمد کر لئے ۔
ڈی پی او چکوال نے بہترین کاروائی پر ایس ایچ او تھانہ نیلہ سمیت پوری ٹیم کو شاباش دی۔ آئی جی پنجاب اور آر پی او راولپنڈی ڈویژن کی ہدایت پر چکوال پولیس سماج دشمن عناصر کے خلاف سخت کارروائیاں عمل میں لارہی ہے۔
