دہشت گردوں سے کبھی بات نہیں ہوگی،آئی ایس پی آر

راولپنڈی (نیٹ نیوز) ڈی جی آئی ایس پی آر لفٹیننٹ جنرل محمد احمد چودھری نے کہا ہے افغانستان سے جڑے معاملات کا حل صرف وہ حکومت ہے جو عوام کی نمائندہ ہو۔راولپنڈی میں صحافیوں کو بریفنگ لفٹیننٹ جنرل محمد احمد چودھری کا کہنا تھا کہ پاک افغان جھڑپوں میں 206 افغان طالبان فوجی اور 112 خوارج مارے گئے۔

اُنہوں نے کہا کہ دہشت گردوں سے کبھی بات نہیں ہوگی، افغان طالبان کو پاکستان کا رسپانس فوری اور موثر تھا، پاکستان کے رسپانس کے وہی نتائج نکلے جو ہم چاہتے تھے۔ڈی جی آئی ایس پی آر کا کہنا تھا کہ افغانستان سے جڑے معاملات کا حل صرف وہ حکومت ہے جو عوام کی نمائندہ ہو، افغانستان کی شرائط معنی نہیں رکھتی، دہشت گردی کا خاتمہ اہم ہے۔

لفٹیننٹ جنرل محمد احمد چودھری نے مزید کہا کہ افغانستان میں منشیات سمگلرز کی افغان سیاست میں مداخلت ہے اور وہاں سے بڑے پیمانے پر منشیات پاکستان سمگل کی جا رہی ہے۔