بدبخت بیٹے نے ماں پر تشدد کر کے زخمی کر دیا

کلرسیداں(نمائندہ پنڈی پوسٹ)بدبخت بیٹے نے اپنی بیوی کے ورغلانے پر اپنی معمر ماں کو تشدید کا نشانہ بنا کر مضروب کر دیا۔ماں بیٹے اور بہوکیخلاف درخواست لے کر تھانے پہنچ گئی۔کلر سیداں کے نواحی علاقہ سہوٹ کی رہائشی معمر خاتون نے پولیس کو بتایا کہ میرے دو بیٹے اور 8 بیٹیاں ہیں جو سب شادی شدہ ہیں۔میں چھوٹے بیٹے کے ساتھ رہائش پذیر تھی کہ اسی دوران چھوٹے بیٹے کی بہو کے ورغلانے سے بیٹا میرے ساتھ اکثر لڑائی جھگڑا شروع کر ددیتا جس کی وجہ سے میں مجبور ہو کر اپنے بڑے بیٹے کے پاس رہنے لگی۔گزشتہ روز اپنے چھوٹے بیٹے کے گھر گئی اور اس دوران بہو کے ورغلانے سے میرابیٹا طیش میں آ گیا اور مجھے دھکا دیا جس سے میں گر گئی اس دوران میری بہو نے مجھے چھری ماری جو میرے ہاتھ کے انگوٹھے پر لگی جس سے انگوٹھا زخمی ہو گیا اور میرے سارے کپڑے خون آلود ہو گئے۔ میرے بیٹے نے بھی بہو کے کہنے پر مجھے تشدد کا نشانہ بنایا۔سب انسپکٹر سردار عنصر محمود مصروف تفتیش ہیں۔