جس ملک کی تہتر فیصد یا غالباً اس سے بھی کچھ زیادہ آبادی کو رہنے کے لیے گھرننگ چھپانے کو کپڑا اور پیٹ بھرنے کو روٹی میسر نہیں اس ملک کے چند مخصوص خاندان اور ان خاندانوں کی پشت پناہی کے حامل سرکاری اداروں میں بیٹھے افسران نے لوٹ مارکو اپناحق سمجھ رکھا ہے
اس سلسلے میں کسی بحث کی گنجائش نہیں اور نہ ہی کسی سیاسی نظریے یا سماجی فلسفے کا حوالہ دینے کی ضرورت ہے یہ تو ایک بلکل صاف اورسیدھی سی بات ہے
کہ اس ملک کو آزادی دلوانے میں قوم کے ہر طبقے نے اپنا رول ادا کیاتھا ملکی آزادی پوری قوم کی قربانیوں اور کوششوں کا نتیجہ ہے لیکن چند بے ضمیر موقع پرست اور قابو یافتہ افراد نے اسے لوٹنے کھسوٹنے کا ذریعہ بنا رکھا ہے اور سماج میں ان تباہ کن اور ہلاکت آفریں رجحانات کو فروغ دینے کا لائسنس حاصل کرلیا ہے
اس بے ضمیر گروہ کی موجودگی میں ایک شریف صحت منداور باضمیر سماج کے قیام کا تصور دیوانے کا خواب بن چکا ہے موجودہ دور پاکستان کی زندگی کا بدترین دور ہے اس دور میں سماج کی منفی قدورں کو استحکام حاصل ہورہا ہے ملک معاشی نفسیاتی اخلاقی تہذہبی اور سیاسی اعتبار سے دیوالیہ ہوچکا
اور اب اس کا ازالہ مشکل ہی نہیں ناممکن لگتا ہے معاشرہ دیسی ہو یا بدیسی لالچ اور مفادات کے فارمولے ایک ہی جیسے ہوتے ہیں لیکن اپنے ہی ملک کو لوٹنے کی جو وارداتیں اور فارمولے ہمارے یہاں رائج ہیں دنیا کی اقوام ان بارے کبھی سوچ بھی نہیں سکتی
کیونکہ ان معاشروں میں سزا اور جزاء کے قانون پر سختی سے عمل کیا جاتا ہے کہتے ہیں حکمت ہو یاڈاکٹراس کے پاس ہر مرض کا علاج ہوتا ہے لیکن بعض ایسے موذی مرض لاحق ہوجاتے ہیں
جن کا علاج کہیں ممکن نہیں ہوتا خصوصاً وہ آزار جو روح کی گہرایوں میں سرایت کرچکے ہوں کرپشن بھی ایک ایسا ہی مرض ہے جس کا علاج ممکن رہا اینٹی کرپشن کامحکمہ جو کرپشن پکڑنے اور کرپٹ سرکاری ملازمیں ن کی سرکوبی کے لیے بنایا گیا اس ادارے بارے ایک مزاحیہ بات کہی جاتی ہے
کہ وہ رشوت لینے کو پکڑتے ہیں اور دینے والے کو چھوڑ دیتے ہیں کوئی ادارہ ایسا نہیں جو لوٹ مار سے محفوظ نہیں ہے چند روز قبل ایک نیوز پیپر کی خبر نظر سے گذری جس میں بلدیہ کلر سیداں میں لوٹ مار کی داستان بیان کی گئی
رپورٹ کے مطابق بلدیہ کلر سیداں کے زیر انتظام پانی سپلائی کے منصوبے میں وسیع پیمانے پر خرد برد کی گئی.ریورٹ کے مطابق اس منصوبے میں مشینری کی تنصیب کے لاکھوں روپے کا فنڈ مختص کیا گیا لیکن کرپشن کے رائج طریقہ کار کے تحت نئی مشینری کے بجائے اونے پونے
پرانی موٹریں اور دیگر پرانے الات نصب کرکے رقم ہڑپ لی گئی بتایا گیا ہے کہ اس منصوبے میں ناقص میٹریل کے استمال کے باعث گذشتہ ایک برس سے متعدد مقامات پر پانی رسنے کا عمل جاری ہے جس کی مرمت کے نام پر بلز بنائے جاتے ہیں نیوز میں اس کرپشن میں مین کردار چیف آفیسر بلدیہ کلرسیداں کا بتایا گیا ہے
اطلاع یہ بھی ہے اسسٹنٹ کمشنر کلرسیداں نے بلدیہ کلر سیداں کے سابق ٹھیکیدار عبدالطیف بھٹی کے ہمراہ اس اسکیم کا دورہ کیا جس کے دوران اس لوٹ مار کاانکشاف ہوا
اس موقع پر صحافیوں کو اس اسکیم خرد برد بارے آگاہی دی گئی رپورٹ کے مطابق چیف آفیسر بلدیہ پرائس کنٹرول مجسٹریٹ بھی ہیں لیکن یہ کام بھی انہوں نے اپنے ایک نائب قاصد کو دے رکھا ہے
جو حیران کن امر ہے رپورٹ کے مطابق اسسٹنٹ کمشنر کلر سیداں نے اس واٹر اسکیم میں مبینہ کرپشن بارے مفصل رپورٹ ڈپٹی کمشنر راولپنڈی اور سکریٹری بلدیات پنجاب کو ارسال کردی گئی ہے
جس میں اس معاملے کی شفاف تحقیقات کی تجویز دی گئی ہے لیکن اس سماج میں یہ ناممکن سی بات ہے اس رپورٹ کی اشاعت کے بعد حکومتی جماعت کے ارکان انجینئر راجہ قمر السلام اور رکن پنجاب اسمبلی راجہ صغیر کی ذمہ داری بنتی ہے
کہ اس اسکیم میں کرپشن کے الزامات کی انکوئری کو ممکن بنائیں اور اگر الزام درست ثابت ہو تو اس پر محکمہ جاتی کاروائی کے عمل میں لاکر لوٹی رقم ریکور کروایں
لیکن شاید یہ خواہش پوری نہ ہو کہ کرپٹ افراد بہت طاقتور ہوتے ہیں۔
