روات (نمائندہ پنڈی پوسٹ) تھانہ روات کی حدود میں واقع چک بیلی خان روڈ پر ڈکیتی کی واردات کے دوران ڈاکو شہری انجم بشیر سے موٹر سائیکل اور دو موبائل فونز چھین کر فرار ہو گئے۔ پولیس نے متاثرہ شہری کی درخواست پر مقدمہ درج کر لیا ہے۔
عینی شاہدین کے مطابق، ڈاکوؤں نے اسلحے کے زور پر شہری کو روکا اور مزاحمت کرنے پر سنگین نتائج کی دھمکیاں دیتے ہوئے قیمتی سامان لوٹ کر موقع سے فرار ہو گئے۔ متاثرہ شخص نے فوری طور پر تھانہ روات میں رپورٹ درج کرائی۔
یاد رہے کہ حالیہ دنوں میں روات اور گرد و نواح میں موٹر سائیکل چھیننے کی وارداتوں میں تشویشناک حد تک اضافہ دیکھنے میں آ رہا ہے، جس سے شہریوں میں خوف و ہراس پایا جاتا ہے۔ عوامی حلقوں نے پولیس سے مطالبہ کیا ہے کہ گشت میں اضافہ کیا جائے اور ڈکیت گروہوں کے خلاف فوری کارروائی عمل میں لائی جائے۔
