عاطف کیانی کلرسیداں
دنیا کے ترقی یافتہ ممالک اس وقت تعلیم کے شعبہ میں جس مقام پر ہیں پاکستان ابھی تک ان سے کوسوں دور اور بہت پیچھے ہے اس کی وجہ یہ ہے کہ سال کے 365 دنوں میں 150 دن بھی بچے سکول نہیں جاتے جس کی وجہ سے سال بھر کا تعلیمی نصاب بھی مکمل نہیں ہو پاتا کیونکہ پاکستان میں آئے دن جلسے جلوس ہڑتالیں سڑکوں کی بندش کی وجہ سے سب سے پہلے سکول بند کر دیے جاتے ہیں جس کی وجہ سے بچوں کا مستقبل تباہ ہو رہا ہے
پہلے ہی کرونا کی وجہ سے بچوں کے دو سال ضائع ہو چکے ہیں اور کرونا کے دنوں میں پاس ہونے والے بچوں کے مستقبل پر بھی سوالیہ نشان موجود ہے گزشتہ کچھ عرصہ سے دیگر ممالک کے ساتھ پاکستان ماحولیاتی آلودگی کی وجہ سے سب سے زیادہ متاثر ہوا ہے بجائے اس کے ماحولیاتی آلودگی کو ختم کرنے کے مئوثر اقدامات کیے جائیں حکومت فوراً سکول بند کرنے کا اعلان کر دیتی ہے
جبکہ اینٹوں کے بھٹے دھواں چھوڑنے والی فیکڑیاں گاڑیاں سب کام چل رہے ہوتے ہیں آئے دن تعلیمی ادارے بند کرنے سے بچوں کا مستقبل تباہ ہو رہا ہے حکومت ماحولیاتی آلودگی سموگ سے بچنے کے لیے آگاہی مہم اور اس کے خاتمے کے لیے موثر اقدامات کرے نہ کہ آئے روز سکول بند کیے جائیں
بچوں کے بورڈ امتحانات قریب ہیں اور آئے دن سکول بند کرنے سے بچوں کا تعلیمی نقصان ہو رہا ہے پاکستان تعلیمی میدان میں بنگلہ دیش سے بھی پیچھے ہے اگر یہ سلسلہ ایسے ہی چلتا رہا تو مزید پیچھے جائے گا
پنجاب کے لاہور اور گوجرانولا ڈویژن کی نسبت راولپنڈی ڈویژن کی سموگ کے صورت حال قدرے بہتر ہے لیکن اس کے باوجود راولپنڈی کے تعلیمی اداروں کو بھی بند کردیا گیا جبکہ السلام آباد اور ضلع مری کے تعلیمی ادارے کھلے ہیں لیکن گزشتہ روز ہونے والی بارش کی وجہ سے راولپنڈی ڈویژن میں سموگ کے انڈکیس میں مذیدکافی کمی دیکھنے میں آؕی ہے لہذا پنجاب حکومت کو راولپنڈی میں مذید چھٹیوں سے متثنی قرارد ینا چاہیے
