راولپنڈی میں اک اور ڈیم تعمیر کرنے کا فیصلہ

وزیر اعلی پنجاب مریم نوازشریف کے ویژن کے مطابق پانی کی کمی پورا کرنے کیلئے راولپنڈی میں ایک ڈیم بنانےکا فیصلہ کیا گیاہے۔تحصیل گوجر خان میں بننے والے ڈیم کا نام پری سیداں ہے۔جس پر لاگت کاتخمینہ3973اعشاریہ733ملین روپے ہے۔پراونشل ڈویلپمنٹ ورکنگ پارٹی(پی ڈی ڈبلیو پی) نےاپنے86ویں اجلاس میں اس کی منظوری دی۔ منصوبہ کا ای ٹینڈر جاری ہوگیا ہے۔ڈیم گوجرخان کی ریونیو اسٹیٹس درخالی کلاں،بیر ہتھیال اوردیوی میںسات ہزار863کنال سات مرلہ اراضی پر بنے گا۔ڈسٹر کٹ کلیکٹر راولپنڈی نےڈیم سائٹ پر زمینوں کی خریدو فروخت پر پابندی کیلئے لینڈ ریونیو ایکٹ کے تحت سیکشن چار کا نوٹیفکیشن جاری کردیا ہے۔زرائع کے مطابق اس وقت راولپنڈی ڈویژن میں مختلف ڈیم کے گیارہ منصوبے جاری ہیں۔جن میں چہان ڈیم،دادوچھا ڈیم،مہوٹہ ڈیم،مجاہد ڈیم،پاپین ڈیم،مہرہ سہرا ضلع راولپنڈی میں ہیں۔پنڈوری ڈیم ضلع جہلم،گھبیر ڈیم ،درابی ڈیم،اٹھوال/لکھوال اور ٹمن ڈیم ضلع چکوال میں بن رہے ہیں۔جن کاقابل کاشت کمانڈ ایریا(سی سی اے)79ہزار 700ایکٹر ہے۔جبکہ تین لاکھ87ہزار93اے ایف ٹی سٹوریج صلاحیت ہوگی۔