تعلیمی اداروں میں چھٹیوں میں توسیع کی مذمت کرتے ہیں، پرائیویٹ سکولز ایسوسی ایشن

راولپنڈی ( نمائندہ پنڈی پوسٹ) موسم سرما کی تعطیلات میں توسیع کے فیصلے کی مذمّت کرنے ہیں ،ایسے غیر دانشمندانہ فیصلوں کی وجہ سے بچوں کا تعلیمی مستقبل داؤ پر لگا دیا گیا ہے ،2 کروڑ سے زائد بچے آؤٹ آف سکولز ہیں ،ایسے اقدامات کی وجہ سے مزید آؤٹ آف سکولز بچوں میں اضافہ ہو گا ، اسلام آباد میں تمام تر تعلیمی سرگرمیاں چل رہی ہیں اور راولپنڈی میں بند ہیں ،ان خیالات کا اظہار آل پاکستان پرائیویٹ سکولز اینڈ کالجز ایسوسی ایشن کے مرکزی سیکرٹری جنرل اشرف ہراج ،سنئیر نائب صدر جاوید اقبال راجہ ، سرپرست اعلیٰ صوبہ پنجاب قاضی ظہور الحق ،ڈویژنل صدر عرفان مظفر کیانی ،جنرل سیکرٹری محمد ابراہیم ،سنئیر نائب صدر سردار گل زبیر ،ضلعی صدر راولپنڈی ملک حفیظ الرحمن ،سنئیر نائب صدر چوہدری ارشد لطیف ،ضلعی صدر اٹک طاہر محمود درانی ،ضلعی صدر چکوال صفدر ملک ،سردار فیگار،عاطف کیانی ،عبدالقدوس،شوکت شہزاد چوہدری ،نے مشترکہ بیان میں کہا ،مقررین نے کہا کہ چھٹیاں دینا مسئلے کا حل نہیں ،آج منسٹر صاحب پارکس کا وزٹ کریں ان کو سردی کی شدت کا اندازہ ہو جائے گا ،راولپنڈی ڈویژن کو اس نوٹیفکیشن سے نکالا جائے اور ڈویژن کی سطح پر حل تلاش کریں ،بورڈ کلاسسز کو فوری اجازت دی جائے ،