بھلوٹ کار اور موٹر سائیکل کے درمیان خوفناک تصادم

ڈڈیال (نائندہ پنڈی پوسٹ) بھلوٹ کے مقام پر کار اور موٹر سائیکل کے درمیان شدید تصادم ابتدائی اطلاعات کے مطابق زخمیوں کو فوری طور پر ہسپتال پہنچا دیا گیا ہے زخمیوں کی حالت انتہائی تشویشناک بتائی جا رہی ہے۔ڈڈیال شہر میں آئے روز ٹریفک حادثات رونما ہو رہے ہیں اس سے قبل بھی کئی حادثات رونما ہو چکے ہیں جس سے کئی جانیں بھی ضائع ہو چکی ہیں جس دن سے دھان گلی تا ڈڈیال سڑک بنی ہے ٹریفک حادثات رونما ہو رہے ہیں۔حادثات کی سب سے بڑی وجہ تیز رفتاری اور سپیڈ بریکر کا نصب نہ ہونا ہے جس سے گاڑیاں اور موٹر سائیکل تیز رفتاری سے چلائے جاتے ہیں جس سے آئے روز ٹریفک حادثات رونما ہو رہے ہیں۔ شہریوں نے مقامی وزیر چوہدری مسعود خالد ایڈووکیٹ سے ایک بار پھر پرزور مطالبہ کیا ہے کہ دھان گلی سے ڈڈیال سڑک پر جگہ جگہ سپیڈ بریکر نصب کرنے کے لیے اقدامات اٹھائے جائیں تاکہ آئے روز حادثات میں کمی واقع ہو سکے اور مزید جانیں بھی ضائع ہونے سے بچ سکیں۔