ساگری (زاہد نقیبی) معاشرے میں مخیر اور صاحب استطاعت لوگوں کو اپنے اردگرد غریب اور نادار طلباء کا خیال رکھنا چاہئے جو مفلسی کی وجہ سے اپنی تعلیم ادھوری چھوڑ دیتے ہیں، آپ کی ذرا سی توجہ اور مالی معاونت سے بے شمار مستحق طلباء تعلیم یافتہ ہونے
کیساتھ ساتھ کسی اہم منصب پر فائز ہو سکتے ہیں جس کا آپ کو لاتعداد اجر ثواب ملے گا، میں اتنے سارے مستحق طلباء کو اپنے سامنے دیکھ کر دلی سکون محسوس کر رہا ہوں کہ الحمد للہ آج ہم سکول ہیڈ راجہ ندیم خالق، ٹیچرز محمد طاہر تونسوی، راجہ منیب مشتاق، انتخاب احمد اور تمام سٹاف کے خصوصی تعاون سے درجنوں مستحق بچوں کی امداد کر رہے ہیں. ان خیالات کا اظہار چیف ایڈیٹر پنڈی پوسٹ عبد الخطیب چوہدری نے
گورنمنٹ بوائز ہائر سیکنڈری سکول ساگری میں مستحق طلباء کی مالی امداد کے سلسلے میں منعقدہ تقریب سے بطور مہمان خصوصی کی حیثیت سے خطاب کرتے ہوئے کیا. تقریب کا آغاز حافظ اشتیاق محمود نے تلاوت قرآن پاک سے کیا. سکول انتظامیہ کی جانب سے 70 غریب اور نادار طلباء میں یونیفارم، سویٹئر اور شوز تقسیم کئے گئے
. تقریب سے سکول ہذا کے پرنسپل راجہ ندیم خالق، گورنمنٹ اسلامیہ بوائز ہائر سیکنڈری سکول نمبرون مری روڈ راولپنڈی کے پرنسپل حامد اکرام اور ریٹائرڈ ٹیچر منور حسین شاد نے بھی خطاب کیا جبکہ ریٹائرڈ ٹیچرز زوار حسین کاظمی، چوہدری مظہر علی اور صحافی عرفان الحق ملک نے خصوصی شرکت کی
تمام مہمانان گرامی نے سکول میں ڈسپلن اور صفائی کے حوالے پرنسپل و دیگر سٹاف کی تعریف اور انکی کاوشوں کو سراہا. سٹیج سیکرٹری کے فرائض فرحت سلطان منہاس نے سر انجام دئیے. آخر میں پرنسپل راجہ ندیم خالق نے مہمان خصوصی و دیگر تمام احباب کا شکریہ ادا کیا.
