سائیں محمد رمضان قمر

یاسر صابری

سائیں محمد رمضان قمر 1927ء کوخان زمان خان کے ہاں موہڑہ بختاں ،تحصیل کلر سیداں (سابقہ تحصیل کہوٹہ) پیدا ہوئے.(۱) راقم نے ان کے ایک شاگرد شعر خوان محمد صادق پڑی نکہ ۔تحصیل وضلع راول پنڈی سے ان کا کلام سنا اور کتاب ہذا میں شامل کیا .

صاحب حسن پلایا تے پی گیا میں ، اگے سوہنڑیاں دے کدوں انکار ہوندا
جیہڑا کرے انکار تکرار اگوں ، دووہاں جہاناں وچ سمجھو خوار ہوندا
سوہنڑے رب دے رب سوہنڑیاں دا ، تائیں سوہنڑیاں نال پیار ہوندا
قمر سوہنڑیاں دا قدم بوس جیہڑا ، بیڑا اسے دا سمجھ لو پار ہوندا
*
صاحب حسن دے پیش ہو کے ، جرأت رہی نہ لب ہلان دی اے
کراں داستان ہجر بیان کیسے ، حرکت بند ہو گئی زبان دی اے
دیکھ لا جواب شباب اُسدا ، رہی سُرت نہ اکھ چمکان دی اے
نگاہِ ناز دا قمر شکار ہو کے ، ہوش رہی نہ دین و ایمان دی اے
*
غوث میراں بڑی شان والا ، جس دا تذکرہ عرض و سما وچ ہے
حصہ بے پرواہی خدا دِتا ، اے کمال خود اُسدی صدا وچ ہے
پایا قدرتوں لقب محبوبیاں دا ، کیا ادا دوتے مصطفیؐ وچ ہے
فتنے باز کی جانے راز قمر ، خود خدا بھی اُسدی رضا وچ ہے
*
لوکاں نوں مان قبیلیاں دا ، مینوں آسرا پیراں دے پیر دا اے
تقویٰ پیر دی ذات دا رکھ بیٹھی ، لاج رکھنا کم دستگیر دا اے
صبح و شام پکارنا کم میرا ، اَتے پہنچنا کم فقیر دا اے
دکھاں گھیریا سخت رمضان قمر ، میراں پہنچ ہُن وقت اخیر دا اے

یاسر صابری{jcomments on}